REGİONLAR
Yanvar-iyunda 450,8 min hektar sahədə yazlıq bitkilər əkilib
Bakı, 22 iyul, AZƏRTAC
Cari ilin 6 ayında 450,8 min hektar sahədə yazlıq bitkilərin əkini aparılıb.
Dövlət Statistika Komitəsindən AZƏRTAC-a bildirilib ki, bu dövrdə 42,6 min hektar dənli və dənli paxlalı bitkilər (qarğıdalısız), 34,3 min hektar qarğıdalı (ondan 31,5 min hektarı dən üçün), 59,3 min hektar kartof, 69,2 min hektar tərəvəz, 20,9 min hektar bostan bitkiləri, 132,5 min hektar pambıq, 8,6 min hektar şəkər çuğunduru, 11,5 min hektar dən üçün günəbaxan, 3,4 min hektar tütün, 61,7 min hektar çoxillik otlar, 1,7 min hektar birillik otlar və 5,1 min hektar digər bitkilər əkilib.
Həmin dövr ərzində tarlalardan 304,3 min ton və ya keçən ilin müvafiq dövrünə nisbətən 6,9 faiz çox kartof, 593,3 min ton (5,8 faiz çox) tərəvəz, 39,9 min ton (10,0 faiz az) bostan məhsulları, 103,5 min ton (7,3 faiz çox) meyvə və giləmeyvə, 975,1 ton (8,2 dəfə çox) tütün, 360,7 ton (10,5 faiz çox) yaşıl çay yarpağı yığılıb.
2018-ci il iyulun 1-dək qarğıdalı da daxil olmaqla 1806,2 min ton payızlıq və yazlıq dənli və dənli paxlalı bitkilər yığılıb.