"Qarabağ" “Beşiktaş”ın sabiq futbolçusu ilə maraqlanır
Bakı, 15 may, AZƏRTAC
Kamerun millisinin futbolçusu Vensan Abubakar karyerasını Azərbaycanda davam etdirə bilər.
AZƏRTAC Türkiyə mətbuatına istinadən xəbər verir ki, 33 yaşlı forvardın "Qarabağ"la müqavilə imzalayacağı ehtimal olunur.
İddiaya görə, tərəflər artıq danışıqlara başlayıb.
Son olaraq Türkiyə təmsilçisi “Hatayspor”da çıxış edən hücumçu komandanın heyətində 28 matçda 8 qol və 2 məhsuldar ötürmə ilə yadda qalıb.
V.Abubakar daha əvvəl Portuqaliyanın “Portu”, Türkiyənin “Beşiktaş”, Fransanın “Loryan” və Səudiyyə Ərəbistanının “Əl-Nəsr” klublarının formasını geyinib.
Bölmənin digər xəbərləri
