® “Ziraat Bank Azərbaycan”ın Müşahidə Şurasına yeni sədr təyin edilib
Dünyanın 19 ölkəsində fəaliyyət göstərən “Ziraat Maliyyə Qrupu”nun tərkib hissəsi olan “Ziraat Bank Azərbaycan” ASC-nin Müşahidə Şurasına yeni təyinat olub.
Dövri yerdəyişmə planına uyğun olaraq “Ziraat Bank Azərbaycan” ASC-nin Müşahidə Şurasının sədri Himmet Aksoy öz vəzifəsini Hüseyn Özuysala təhvil verib. Hüseyn Özuysal peşəkar karyerasına 1994-cü ildən “T.C. Ziraat Bankası A.Ş.”də başlayıb. Uzun illər bankda departament rəhbəri, qrup rəhbəri kimi vəzifələrdə çalışan Özuysal hazırda “T.C. Ziraat Bankası A.Ş.”in İnsan Resursları üzrə İdarə Heyəti sədrinin müavini vəzifəsində çalışır və bank sahəsində zəngin təcrübəyə malikdir.
“Ziraat Bank Azərbaycan” ASC Türkiyə Respublikasına məxsus, 160 illik tarixə malik olan “Ziraat Maliyyə Qrupu”nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 9 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.
Bankın təqdim etdiyi məhsul və xidmətlər haqqında daha ətraflı məlumatı bankın instaqram, tvitter, linkedin sosial media hesablarından və ya *9229 qısa nömrəsinə zəng edərək əldə edə bilərsiniz.
Bölmənin digər xəbərləri
