AAYDA son həftə ərzində görülən işlər barədə məlumat yayıb
Bakı, 15 avqust, AZƏRTAC
Azərbaycan Avtomobil Yolları Dövlət Agentliyi (AAYDA) avqustun 7-dən 14-dək respublika ərazisində yolların təmiri və bərpası ilə bağlı görülən işlər barədə məlumat açıqlayıb.
AZƏRTAC agentliyə istinadla xəbər verir ki, sözügedən müddət ərzində Bakı-Qazax-Gürcüstan ilə dövlət sərhədi avtomobil yolunun Gəncə-Qazaxbəyli hissəsinin açılışı olub, Siyəzən-Dağ Quşçu-Ərziküş avtomobil yolunun yenidən qurulması davam etdirilir, Toğanalı-Kəlbəcər-İstisu yolunun və 5 tunelin inşası davam edir, Heydər Əliyev prospektində yeni istiqamətverici lövhələr quraşdırılıb.
Bundan başqa, M3 magistral avtomobil yolunun Yenikənd-Biləsuvar hissəsinin yenidən qurulması və M1 magistral avtomobil yolunun bir hissəsində aparılan təmir-bərpa işləri davam edir.
Bölmənin digər xəbərləri
