ABŞ ALİMLƏRİ STRADİVARİNİN SKRİPKALARININ SİRRİNİ AÇMIŞLAR
Günəşin fəallığının aşağı düşməsi bütün Yer kürəsində havanın soyumasına gətirib çıxarır ki, bu da ağacların ləng boy atmasına səbəb olur. Bunun nəticəsində oduncaq daha bərk olur və heyrətamiş akustik xüsusiyyətləri ilə fərqlənir. Qəribədir ki, bu fenomen XVII əsrdən sonra bir daha təkrarlanmamışdır. Stradivari Günəş fəallığının zəifləməsi dövrü başlandıqdan bir il sonra doğulmuşdur. Bu dövr 1645-ci ildən 1717-ci ilədək davam etmiş və Günəşdə ləkələrin olmaması ilə səciyyələnmiş, Qərbi Avropada orta illik temperaturun Selsi ilə 0,5-2 dərəcə enməsi “kiçik buzlaq dövrü” ilə bir vaxta düşmüşdür.
Antonio Stradivari (1644-1737) İtaliyanın Kremona şəhərində yaratdığı emalatxanada təxminən 1100 musiqi aləti, o cümlədən skripkalar, gitaralar, altlar, violonçellər hazırlamışdır. Onların, demək olar, 600-ü bizim günlərədək gəlib çıxmışdır. Başqa bir rəyə görə, Stradivari skripkalarının qeyri-adi səsi belə bir faktla bağlıdır ki, XVII-XVIII əsrlərdə Kremona ustaları ağacın emalında gizli reseptdən istifadə edirdilər. Çox güman ki, musiqi alətlərinin hazırlanmasında İtaliyanın Alp meşələrinin ağaclarından istifadə olunurdu.
Bölmənin digər xəbərləri
