ABŞ AZƏRBAYCANIN KONSTİTUSİYA MƏHKƏMƏSİNİN QƏRARINI BƏYƏNİR

02.12.2005 [18:26]
Çap et
A⁺ A^-

ABŞ-ın ölkəmizdəki səfirliyindən AZƏRTAC-a daxil olmuş mətbuat üçün məlumatda bildirilir ki, Amerika Birləşmiş Ştatları Azərbaycanın Konstitusiya Məhkəməsinin 6 noyabr parlament seçkilərində seçki saxtakarlığında təsirləndirilən daha çox dairədə səsvermənin nəticələrini ləğv etmək qərarını bəyənir. Seçkilərdən keçən müddət ərzində Azərbaycan hökuməti saxtakarlığa dair məlumatları araşdırmış, 1 dairədə nəticəni dəyişmiş, on dairədə və yüzlərlə məntəqədə nəticələri ləğv etmişdir. Biz inanırıq ki, bu cür addımlar seçki prosesinə inamı təmin etməyin vacib hissəsidir.

Məlumatda deyilir ki, biz hökuməti seçki saxtakarlığında iştirak edən adamları mühakimə etmək işində fəallıq göstərməyə çağırırıq. Eləcə də, polisi və Daxili İşlər Nazirliyini adamların dinc toplaşmaq hüququna hörmət etməyə çağırırıq. Nəhayət, biz hökuməti səsvermənin nəticələri ləğv olunmuş on dairədə operativ surətdə və beynəlxalq standartlara cavab verən təkrar seçki keçirməyə çağırırıq. Amerika Birləşmiş Ştatları bütün səslərin – müstəqil deputatların, müxalifət və hakim partiya təmsilçilərinin səsinin eşidildiyi parlament də daxil olmaqla, bütün demokratik təsisatları gücləndirmək işində hökumətlə işləməyi səbirsizliklə gözləyir.

ABŞ AZƏRBAYCANIN KONSTİTUSİYA MƏHKƏMƏSİNİN QƏRARINI BƏYƏNİR

MÜƏLLİFLƏ ƏLAQƏ

Bölmənin digər xəbərləri