ABŞ-ın neft ehtiyatları azalır
Bakı, 15 oktyabr, AZƏRTAC
Birləşmiş Ştatların xam neft ehtiyatları azalıb.
AZƏRTAC xəbər verir ki, bu barədə əsasən özəl sektorun maliyyələşdirdiyi Amerika Neft İnstitutu (API) məlumat yayıb. Bildirilir ki, ötən hesabat həftəsində ABŞ-ın xam neft ehtiyatları əvvəlki həftə ilə müqayisədə 5,42 milyon barrel azalıb. Bu, avqust ayından bəri yaşanan ən böyük həftəlik azalmadır. Bazar proqnozları da ehtiyatların azalacağı istiqamətində idi. Əvvəlki həftə neft ehtiyatları 951 min barrel artmışdı. API-yə görə ölkədə benzin ehtiyatları da keçən həftə geriləyib.
Ölkədəki ehtiyatlarla bağlı rəsmi rəqəmlər ABŞ-ın Enerji İnformasiya Administrasiyası (EIA) tərəfindən açıqlanacaq.
Bölmənin digər xəbərləri
