ABŞ lideri: Hər şey yaxşı getsə, biz üçtərəfli görüş keçirəcəyik
Vaşinqton, 18 avqust , AZƏRTAC
“Hər şey yaxşı getsə, biz üçtərəfli görüş keçirəcəyik”.
AZƏRTAC-ın məlumatına görə, bu sözləri ABŞ Prezidenti Donald Tramp ukraynalı həmkarı ilə görüş zamanı deyib.
O bildirib ki, bu baş verərsə, müharibəni bitirmək üçün əsaslı şans olacaq. ABŞ lideri bildirib ki, görüşdə nəticə olmasa, bu, yolun sonu demək deyil: “İnsanlar öldürülür və biz bunu dayandırmaq istəyirik. Bu mənim deyil, Baydenin müharibəsidir. Baş verənlərlə ən çox əlaqəsi olan odur və biz bunun sona çatmasını istəyirik. Ukrayna xalqı inanılmaz dərəcədə əziyyət çəkdi”,- deyə Tramp əlavə edib. ABŞ Prezidenti bugünkü görüşlərin sonunda Ukraynanın təhlükəsizliyi ilə bağlı məsələlərə də aydınlıq gətiriləcəyini açıqlayıb. Jurnalistlərin “Ukraynanın təhlükəsizlik təminatı üçün ABŞ əsgərləri də cəlb edilə bilərmi?” sualına cavabında deyib:
“Bunu bəlkə də günün sonunda sizə bildirəcəyik. Biz yeddi böyük ölkələrin liderləri ilə də görüşürük və bu barədə danışacağıq. Onlar hamısı cəlb ediləcək. Kömək çox olacaq”,- deyə Tramp bildirib
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
