ABŞ “MANAS” AVİABAZASINA GÖRƏ İLDƏ 150 MİLYON DOLLAR ÖDƏMƏYƏ RAZIDIR

14.07.2006 [22:36]
Çap et
A⁺ A^-

ABŞ beynəlxalq antiterror koalisiyasının qüvvələri üçün Bişkekin “Manas” hava limanındakı aviabazanın icarəsinə görə ildə 150 milyon dollar ödəməyə razılıq vermişdir. Bu razılaşma xarici kontingentin “Manas”da yerləşdirilməsinin şərtləri haqqında iyulun 14-də Bişkekdə başa çatan Qırgızıstan-ABŞ danışıqlarında əldə edilmişdir. AZƏRTAC xəbər verir ki, İTAR-TASS-ın müxbiri bu məlumatı ABŞ-ın Qırğızıstandakı səfirliyindən almışdır.

Görüşün yekunlarına əsasən birgə bəyanat da qəbul olunmuşdur. Sənəddə təhlükəsizliyin təminatı sahəsində “mühüm əməkdaşlığın davam etdirilməsi” barədə razılaşma təsbit olunmuşdur.

“Manas”da aviabaza 2001-ci ilin dekabrında açılmışdır. Hazırda burada bir neçə hərbi nəqliyyat təyyarəsi və yanacaqdolduran təyyarə, habelə Əfqanıstanda əks-terror əməliyyatı aparılmasını təmin edən 800-900 hərbi qulluqçu var.

Apreldə Qırğızıstan Prezidenti Kurmanbek Bakiyev xüsusi bəyanat verərək bildirmişdi ki, ABŞ hərbçilərinin bu bazada qalmasının şərtlərinə yenidən baxılması haqqında danışıqlar iyunun 1-dək başa çatdırılmasa, respublika həmin obyektə dair sazişi birtərəfli qaydada ləğv etmək hüququnu özündə saxlayacaqdır. Qırğızıstan o vaxt hesab edirdi ki, icarəyə görə Amerika tərəfinin ildə 2,7 milyon dollar ödəməsi olduqca azdır.

ABŞ “MANAS” AVİABAZASINA GÖRƏ İLDƏ 150 MİLYON DOLLAR ÖDƏMƏYƏ RAZIDIR

MÜƏLLİFLƏ ƏLAQƏ

Bölmənin digər xəbərləri