ABŞ-nin rəhbərlik etdiyi koalisiyanın təyyarələri Suriya səmasında qaydaları 20 dəfə pozub
Bakı, 16 avqust, AZƏRTAC
Amerikayönlü antiterror koalisiyanın qırıcıları və pilotsuz uçuş aparatları son sutka ərzində Suriyanın hava məkanda qaydaları 20 dəfə pozub.
AZƏRTAC xəbər verir ki, bu barədə Suriyada döyüşən tərəflərin barışdırılması üzrə Rusiya Mərkəzinin rəis müavini kontr-admiral Vadim Kulit məlumat verib.
“Beynəlxalq hava yollarının keçdiyi Əl-Tənf bölgəsində üç cüt “F-35” qırıcısı, üç cüt “F-16” qırıcısı, iki cüt “Rafal” qırıcısı, bir cüt “Tayfun” qırıcısı və iki çoxməqsədli koalisiya “MQ-1C” pilotsuz təyyarəsi tərəfindən gündə 20 qayda pozuntusu qeydə alınıb. ABŞ-nin rəhbərlik etdiyi antiterror koalisiyasının aviasiyası protokol qaydalarını pozaraq və Suriyanın hava məkanında uçuşlar həyata keçirməklə, ölkə səmasında təhlükəli vəziyyətlər yaratmağa davam edir”, -deyə V.Kulit qeyd edib.
Bölmənin digər xəbərləri
