Abşeron rayonunun bəzi ərazilərində qaz təchizatı müvəqqəti dayandırılacaq
Bakı, 7 avqust, AZƏRTAC
“Qaz İxrac” İdarəsinin sifarişi əsasında “Masazır” QPS-də görüləcək təmir işləri ilə bağlı avqustun 8-də saat 09:00-dan işlər başa çatanadək “Masazır” QPS-dən qidalanan "Masazır Qəsəbəsi" və "Duz Zavodu" ölçü qovşaqlarından qaz təchizatının dayandırılması planlaşdırılır.
“Azəriqaz”dan AZƏRTAC-a bildirilib ki, təmir işləri aparılan müddətdə Abşeron rayonu üzrə Xırdalan şəhəri ərazisində “Kristal-Abşeron” yaşayış kompleksinin, Masazır qəsəbəsinin, "Accord Gənclər şəhərciyi"nin, Valideyn himayəsindən məhrum olunmuş kimsəsiz məzunların yaşayış binasının, Saray qəsəbəsi ərazisində “Saray-H” MTK-nın, “Villa Badam” yaşayış kompleksinin, həmçinin Masazır Duz zavodu, “Bəhrə-2010” MMC, “Üzümçülük", “Qarant İnşaat”, “Zəhmət Ruzi" MMC, Mühəndislər Universiteti, Asfalt zavod, “S.N İnşaat”, “Mətanət A”, Palitra, “Səhyalı”, “Halal Nemət Min Bərəkət”, “İpəkyolu”, “Həsənoğlu”, “Azbentonit” sənaye müəssisələrinin də qaz təchizatında müvəqqəti fasilə yaranacaq.
Bölmənin digər xəbərləri
