AFİNA OLİMPİADASI HAQQINDA MARAQLI RƏQƏMLƏR

12.08.2004 [19:30]
Çap et
A⁺ A^-

Oyunların yarışları 35 idman obyektində keçiriləcək, onların əksəriyyəti Afinada yerləşir. İdmançılar Volos, Heraklion, Patrax, Saloniki şəhərlərindəki və Parnas dağındakı obyektlərdə də yarışacaqlar.

2021 medal, o cümlədən 669 qızıl, 666 gümüş və 686 bürüc mükafat uğrunda mübarizə gedəcəkdir.

Olimpiya hərəkatının tarixində ilk dəfə olaraq, proqrama heç bir yeni idman növü daxil edilməmişdir.

2000-ci il Sidney Oyunları ilə müqayisədə aşağıdakı dəyişikliklər var: boksda çəki dərəcələri 12-dən 11-ə, sərbəst güləşdə və yunan-Roma güləşində isə 8-dən 7-yə endirilib; qadınların həndbol, futbol və otüstü xokkey yarışlarında iştirakçı komandaların sayı 8-dən 10-dək artırılıb və s.

Oyunları 21 000 jurnalist işıqlandırır.

Oyunlara 200 dövlət başçısı və monarx gəlmək niyyətindədir.

Olimpiadaya 153 500 adam xidmət edir.