Ağcabədidə zəhərlənənlərdən 1 nəfərin vəziyyəti orta ağırdır
Bakı, 10 iyul, AZƏRTAC
Ağcabədi rayonunda qida zəhərlənməsi şübhəsi ilə Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən Ağcabədi Rayon Mərkəzi Xəstəxanasının Təcili tibbi yardım şöbəsinə iyulun 9-da saat 15:33 radələrindən başlayaraq 11-i uşaq olmaqla ümumilikdə 34 nəfər yerləşdirilib.
TƏBİB-dən AZƏRTAC-a verilən məlumata görə, onlara qida toksiki infeksiyası diaqnozu qoyulub və hər birinə zəruri tibbi xidmətlər göstərilib.
İyulun 9-da aparılmış zəruri tibbi müayinə və müalicə tədbirlərindən sonra xəstəxana şəraitində müalicəyə ehtiyac qalmadığından müraciət edənlərdən 33 nəfər ambulator müalicə üçün evə buraxılıb. Hazırda tibb müəssisəsinin Təcili tibbi yardım şöbəsində 1 nəfərin müalicəsi davam etdirilir və vəziyyəti orta ağırdır.
Bölmənin digər xəbərləri
