Aİ Bosniya və Herseqovinanın ittifaqa üzvlüyü üçün müzakirələrə başlayıb
Sarayevo, 22 mart, AZƏRTAC
Avropa İttifaqı (Aİ) Bosniya və Herseqovinanın ittifaqa üzvlüyü ilə bağlı müzakirələrə başlanılması barədə qərar qəbul edib.
AZƏRTAC xəbər verir ki, bunu Avropa İttifaqı Şurasının Prezidenti Şarl Mişel deyib.
“Sizin yeriniz Avropa ailəmizdədir. Bu qərar Aİ-yə inteqrasiya yolunda irəliyə doğru atılan mühüm addımdır. Xalqın istədiyi kimi, Bosniya və Herseqovinanın stabil tərəqqisi üçün gərgin iş davam etməlidir”, - deyə Şarl Mişel bildirib.
Qeyd edək ki, Avropa İttifaqına üzv olmaq Bosniya və Herseqovinanın əsas xarici siyasət hədəflərindən biridir. 2016-cı ildə ittifaqa qoşulmaq üçün rəsmi müraciət edən Bosniya və Herseqovina 2022-ci il dekabrın 15-də Aİ-yə üzvlükdə namizəd ölkə statusu alıb.
Avropa Komissiyası bu il martın 12-də Bosniya və Herseqovina ilə üzvlük danışıqlarına başlanmasını tövsiyə edib.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
