Akademik Zemfira Səfərovanın “Azərbaycan musiqişünaslığı: mühüm mərhələlər” kitabı nəşr olunub
Bakı, 20 iyul, AZƏRTAC
Bu günlərdə “Elm” nəşriyyatında görkəmli musiqişünas-alim, Əməkdar incəsənət xadimi, akademik Zemfira Səfərovanın “Azərbaycan musiqişünaslığı: mühüm mərhələlər” adlı kitabı çapdan çıxıb.
AMEA-dan AZƏRTAC-a bildirilib ki, səkkiz bölmədən ibarət kitabda Azərbaycan musiqişünaslığının mühüm mərhələləri və problemləri araşdırılıb. Müəllif elmi mütəxəssislərlə bərabər, bu sahə ilə maraqlanan oxucuları da musiqişünaslığımızın tarixi ilə tanış edir.
Tədqiqatın müqəddiməsinin müəllifi akademik İsa Həbibbəyli, redaktorları - sənətşünaslıq üzrə fəlsəfə doktoru, Əməkdar incəsənət xadimi, professor Aidə Tağızadə, sənətşünaslıq üzrə fəlsəfə doktoru, Əməkdar mədəniyyət işçisi Ülkər Talıbzadə, rəyçiləri - AMEA-nın müxbir üzvü Ərtegin Salamzadə və Əməkdar incəsənət xadimi, professor Tariyel Məmmədovdur.
Kitabda müəllifin son illərdə rus və ingilis dillərində çıxan məqalələri xarici oxucular üçün təqdim edilib.
Bölmənin digər xəbərləri
