Aksiya zamanı su hövzələrindən 1085 metr uzunluğunda 28 ədəd sintetik tor götürülüb
Bakı, 2 may, AZƏRTAC
“Hövzələri sintetik torlardan birlikdə təmizləyək” şüarı ilə start verilən aksiya çərçivəsində Dövlət Ekoloji Təhlükəsizlik Xidmətinin əməkdaşları tərəfindən Xəzər dənizinin Sumqayıt və Astara şəhərləri akvatoriyasından, Kür çayından, Şəmkir su anbarından və Baş Mil-Muğan Kollektorundan sintetik torların yığışdırılması həyata keçirilib.
Xidmətdən AZƏRTAC-a bildirilib ki, aksiya zamanı həmin su hövzələrindən 1085 metr uzunluğunda 28 ədəd sintetik tor götürülüb.
Ekologiya və Təbii Sərvətlər Nazirliyi layihəyə dəstək olaraq fəallıq nümayiş etdirən və su hövzələrində rast gəldikləri sintetik torlar barədə quruma məlumat verən bütün vətəndaşlara təşəkkür edir, onları hövzələrin mühafizəsində daha aktiv iştirak etməyə, balıq ehtiyatlarının qorunmasına dəstək olmağa çağırır.
Bölmənin digər xəbərləri
