Aleksandar Vuçiç: Regionda sülh və sabitlik üçün səy göstəririk
Belqrad, 13 yanvar, AZƏRTAC
Serbiya regionda sülhün və sabitliyin təmin olunması üçün səylərini əsirgəmir.
AZƏRTAC xəbər verir ki, bunu Serbiya Prezidenti Aleksandar Vuçiç deyib.
A.Vuçiç Belqradda ABŞ dövlət katibinin müavini Derek Çolletlə görüşünü şərh edərkən bildirib: “Amerika Birləşmiş Ştatlarının Serbiyanın regionda sülh və sabitliyi qorumaq üçün göstərdiyi səylərə qiymət verməsini istərdim. Həmçinin rəsmi Priştinanın da problemlərin həllində açıq və dürüst ruhla dialoqu davam etdirməsini arzu edirəm”.
Serbiya Prezidenti ölkəsinin böyük məsuliyyətlə hərəkət etdiyini, hər zaman sülhün və sabitliyin tərəfində olduğunu vurğulayıb.
Görüşdə Belqrad-Priştina Dialoqu, regionda iqtisadi əməkdaşlıq və Serbiyanın Avropa İttifaqına üzvlük prosesi müzakirə edilib.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
