Alimlər iki yaşadək uşaqların yuxuya getməsində ananın genetik rolunu izah ediblər
Bakı, 24 iyul, AZƏRTAC
Körpələrin ana bətnində inkişafı zamanı anaya aid bəzi hüceyrələrin uşağın orqanizminə ötürüldüyü artıq tibb aləminə məlumdur. Bəs bu hüceyrələr hansı funksiyanı yerinə yetrir?
AZƏRTAC İllinoys Universitetinin araşdırmalarına istinadla xəbər verir ki, körpə bədəninə anadan keçən hüceyrələr ilk iki ildə onun yuxu sistemini müəyyən edir. Professor Tianyinq Cai qeyd edir ki, təcrübə zamanı onlar ana və körpələrdən ibarət iki qrup götürüblər. Birinci qrupa gündə orta hesabla 5-6, ikinci qrupa isə 7-8 saat yatan analar aid edilib. Müəyyən olunub ki, normadan az yatan anaların uşaqları da yuxuya getməkdə əziyyət çəkir və gecə boyu bir neçə dəfə oyanırlar. Araşdırmalar həmçinin müəyyən edib ki, körpə üzərindəki bu təsir sonrakı illərdə öz təsirini əhəmiyyətli dərəcədə itirir.
Bölmənin digər xəbərləri
