Alman bədii ədəbiyyatının Azərbaycan dilinə tərcüməsinə dair monoqrafiya nəşr olunub
Bakı, 3 iyun, AZƏRTAC
AMEA Nizami Gəncəvi adına Ədəbiyyat İnstitutunun Azərbaycan-Asiya ədəbi əlaqələri şöbəsinin aparıcı elmi işçisi filologiya üzrə fəlsəfə doktoru Leyla Həsənzadənin “Alman bədii ədəbiyyatının Azərbaycan dilinə tərcüməsində poetika və milli kolorit problemləri” kitabı nəşr olunub.
AZƏRTAC xəbər verir ki, Ədəbiyyat İnstitutunun Elmi şurasının müvafiq qərarı ilə çap olunan məqalələr toplusunun redaktoru və “Ön söz”ünün müəllifi filologiya elmləri doktoru, dosent Lyudmila Səmədovadır. Kitabın rəyçiləri filologiya üzrə fəlsəfə doktorları, dosentlər Cavidə Məmmədova və Xanım Zairovadır.
Monoqrafiya “Giriş”, üç fəsil, “Nəticə” və istifadə edilmiş ədəbiyyat siyahısından ibarətdir. “Bədii tərcümə və alman-Azərbaycan ədəbi əlaqələrinin inkişaf mərhələləri”, “Alman ədəbiyyatının Azərbaycan dilinə tərcümələrində milli kolorit”, “Alman bədii nəsri Azərbaycan dilində” başlıqlı fəsillərin hər biri bir neçə yarımfəslə bölünür.
Bölmənin digər xəbərləri
