Almaniya millisi 52 ildən sonra dünya çempionatlarının seçmə oyununda 9 qol vurub
Bakı, 12 noyabr, AZƏRTAC
Futbol üzrə Almaniya millisi 52 ildən sonra dünya çempionatlarının seçmə oyununda 9 qol vurub.
AZƏRTAC xəbər verir ki, komanda dünya çempionatının seçmə mərhələsində Lixtenşteyni 9 cavabsız qolla məğlub edib.
Matç yığmanın baş məşqçisi Hansi Flik üçün də əlamətdar olub. Əlli altı yaşlı mütəxəssis yığmada ilk 6 oyunda qələbə qazanan baş məşqçi kimi tarixə düşüb.
Bu oyunda dubla imza atan Tomas Müller isə millidəki qol sayını 42-yə çatdırmaqla bombardirlər siyahısında Mixael Ballakı geridə qoyaraq 8-ci olub.
Bölmənin digər xəbərləri
