Almaniyada xəstəxanada insanları girov götürən şəxs zərərsizləşdirilib - YENİLƏNİB
Bakı, 5 mart, AZƏRTAC
Almaniyanın Axen şəhərində “Luisen” xəstəxanasında insanları girov götürən silahlı zərərsizləşdirilib.
AZƏRTAC xəbər verir ki, bu barədə “Bild” qəzeti məlumat yayıb.
Polisin apardığı danışıqlar nəticə verməyib. Xüsusi təyinatlıların həyata keçirdiyi əməliyyat zamanı 65 yaşlı qadın silahla atəş açıb. Baş verən atışmada o, ağır yaralanıb və tutulub.
Verilən məlumata görə, girov götürülən insanlardan xəsarət alan olmayıb.
04.03.2024
22:15
Almaniyanın Axen şəhərində naməlum silahlı şəxs “Luisen” xəstəxanasında insanları girov götürüb.
AZƏRTAC xəbər verir ki, bu barədə “Bild” qəzeti məlumat yayıb.
Polis hadisə yerinə cəlb olunub, ərazi mühasirəyə alınıb. Xəstəxana ərazisinə xüsusi təyinatlılar göndərilir.
Ölənlər və naməlum şəxsin niyyəti barədə məlumat verilmir.
Bölmənin digər xəbərləri
