Almatıda Azərbaycan-Qazaxıstan turizm forumu keçiriləcək
Astana, 19 sentyabr, АZƏRTAC
Sentyabrın 20-də Almatıda Azərbaycan-Qazaxıstan turizm forumu keçiriləcək.
AZƏRTAC xəbər verir ki, Almatı şəhəri akimliyinin dəstəyi ilə reallaşacaq forumda Qazaxıstan və Azərbaycanın turizm potensialı təqdim olunacaq, hər iki ölkənin turizm agentlikləri üçün işçi platforma təşkil ediləcək. Həmçinin Azərbaycan və Qazaxıstan mehmanxana biznesinin təqdimatı, turistlər üçün istirahət kuponunun uduşlu oyunu keçiriləcək.
Forumun keçirilməsində məqsəd hər iki ölkədə fəaliyyət göstərən turizm şirkətlərinin təşkil etdikləri müalicə və istirahət mərkəzlərinə turların təbliği və turistlərin cəlb edilməsidir.
İlahə Əhmədova
AZƏRTAC-ın xüsusi müxbiri
Astana
Bölmənin digər xəbərləri
