“ALTERNATİV ENERJİ MƏNBƏLƏRİ ÜZRƏ MİLLİ PROQRAM” HAZIRLANMIŞDIR
Yanacaq və Energetika Nazirliyinin mətbuat xidmətindən AZƏRTAC-ın müxbirinə bildirmişlər ki, proqramda elektroenergetikanın gələcək inkişaf istiqamətləri müəyyən edilmiş, o cümlədən 2004-2010-cu illərdə Abşeron yarımadası və Naxçıvan MR-də külək elektrik stansiyalarının inşası nəzərdə tutulmuşdur.
Proqramda, həmçinin 2005-2012-ci illərdə müxtəlif gücə malik 10-dan artıq su elektrik stansiyalarının, eləcə də Abşeron, Mil-Muğan bölgəsi və Naxçıvan MR-də “Günəş” kollektorlarının tikintisi də öz əksini tapmışdır.
Biokütlə və geotermal enerji mənbələrindən istifadə etməklə 2005-2013-cü illər ərzində isə yeni texnologiyanın tətbiqi, elektrik stansiyalarının layihələndirilməsi, binaların qızdırılması və s. tədbirlər də nəzərdə tutulmuşdur.
Milli Proqramın həyata keçiriləcəyi təqdirdə yeni iş yerlərinin açılmasına geniş imkanlar yaranacaqdır.
Bölmənin digər xəbərləri
