Antarktidanın duzlu göllərindəki mikroblar virusların təkamül sirlərini açıqlaya bilər
Bakı, 3 sentyabr, AZƏRTAC
Avstraliyalı alimlər Antarktida qitəsinin duzlu göllərində yaşayan mikrobların virusların təkamülünün öyrənilməsinə yardım edəcəyini bildiriblər.
AZƏRTAC “Nature Microbiology” dərgisinə istinadla xəbər verir ki, 18 aylıq araşdırma nəticəsində bəzi mikrobların öz daxilində kiçik halqavarı DNA molekulları plazmidləri saxladığı məlum olub. Elm adamları əsas hüceyrədə müstəqil olaraq törəyəbilən plazmidlərin virusların böyüməsinə və həyatda qalmasına kömək edəcəyini və tədqiqatın virusların təkamül tarixini işıqlandıra biləcəyini açıqlayıblar.
Tədqiqatçılar plazmidlərin viruslar kimi tez-tez şəkil dəyişdirdiyini, hüceyrə divarına daxil olan proteinlər istehsal etdiyini, bəzi virusların plazmidlərdən inkişaf etdiyini bildiriblər.
Bölmənin digər xəbərləri
