“Araz-Naxçıvan” Azərbaycan çempionatlarında 100-cü qolunu vurub
Bakı, 19 aprel, AZƏRTAC
“Araz-Naxçıvan” Azərbaycan çempionatlarında 100-cü qolunu vurub. Bu, Misli Premyer Liqasının XXXI turuna təsadüf edib.
AZƏRTAC Peşəkar Futbol Liqasının rəsmi saytına istinadən xəbər verir ki, “Turan Tovuz”la ev görüşündə (1:1) vurulan top Naxçıvan təmsilçisi üçün yubiley xarakteri daşıyıb. Bu, qola İssuf Paro imza atıb.
“Araz-Naxçıvan” “100”ə 109-cu oyunda çatıb. Bu qollardan 54-ü evdə, 46-sı səfərdə vurulub.
Qeyd edək ki, Naxçıvan klubu ölkə çempionatları tarixində 100 və daha çox qola imza atan 33-cü komandadır.
Bölmənin digər xəbərləri
