“Araz-Naxçıvan” klubu bosniyalı qapıçı transfer edib
Bakı, 18 iyul, AZƏRTAC
Transfer çalışmalarını davam etdirən “Araz-Naxçıvan” klubu heyətini yeni qapıçı ilə gücləndirib.
Klubun mətbuat xidmətindən AZƏRTAC-a verilən məlumata görə, komanda “Turan Tovuz”la yoxlama oyununda iştirak edən Bosniya və Herseqovinadan olan futbolçu Semir Bukviçlə anlaşıb.
Otuz iki yaşlı qolkiperlə bir mövsümlük müqavilə imzalanıb.
Qeyd edək ki, S.Bukviç son olaraq ölkəsində “Sloboda Tuzla”nın formasını geyinib. Klub daha əvvəl legionerlərdən portuqaliyalı Nuno Migel və braziliyalı Vandersonla birillik sözləşmə imzalayıb.
Bölmənin digər xəbərləri
