Argentinada işsizlik son dörd ilin ən yüksək səviyyəsinə çatıb
Bakı, 20 iyun, AZƏRTAC
Cari ilin ilk rübündə Argentinada işsizlik səviyyəsi 7,9 faiz artıb ki, bu da 2021-ci ilin üçüncü rübündən bəri ən yüksək göstəricidir.
AZƏRTAC xəbər verir ki, bu barədə məlumat Argentina Statistika və Siyahıyaalma İnstitutunun dərc etdiyi hesabatda öz əksini tapıb.
Ümumilikdə 29,8 milyon insanın yaşadığı 31 şəhərdəki vəziyyətə əsaslanan hesabata görə, ölkədə 1,1 milyon insan iş tapa bilmir. Eyni zamanda, Argentinada məşğulluq səviyyəsi 44,4 faiz, yəni 13,3 milyon nəfər təşkil edir ki, onların da 42 faizi qeyri-formal sektorlarda çalışır.
Xatırladaq ki, Xavyer Miley 2023-cü ilin dekabrında dövlət başçısı kimi ilk çıxışında ölkədəki vəziyyəti kritik adlandırmış və iqtisadiyyatın şok tədbirlərə ehtiyacı olduğunu vurğulamışdı. Dövlətin iqtisadiyyata minimal müdaxiləsinin tərəfdarı olan siyasətçi Argentinanın iqtisadi problemlərinin həllini xərcləri azaltmaqla büdcə kəsirinin aradan qaldırılmasında görür.
Bölmənin digər xəbərləri
