AŞQABAD VƏ PEKİN NEFT-QAZ SAHƏSİNDƏ ƏMƏKDAŞLIĞI GENİŞLƏNDİRİR
AZƏRTAC-ın Aşqabaddan aldığı xəbərə görə Türkmənistan baş nazirinin müavini Yelli Qurbanmuradov və ÇXR-in Aşqabaddakı səfiri Lu Quyçen hökumətlərarası iki saziş imzalamışlar. Həmin sənədlərə görə, Çin 20 il müddətinə Türkmənistana 15 milyon yuan məbləğində qrant və 30 milyon yuan faizsiz kredit verəcəkdir. Bu vəsaitdən əvvələr Çindən alınmış texnikaya servis xidməti göstərən mexaniki-təmir zavoduna avadanlıq və ehtiyat hissələr almaq üçün istifadə etmək nəzərdə tutulur. ÇXR hökuməti 1998 və 2000-ci illərdə Türkmənistana 100 milyon yuan məbləğində kreditlər ayırmışdı. Kreditlərin hər ikisi “Türkmənneft” və “Türkmənqaz” dövlət konsernləri üçün 15 qazma qurğusu, ÇXR-də istehsal edilən və quyuların əsaslı təmirində işlədilən 26 qaldırıcı aqreqat almağa sərf olunmuşdur.
Türkmənistan Neft-Qaz Sənayesi və Mineral Ehtiyatlar Nazirliyinin məlumatına görə, son 5 ildə Çinin neft-qaz şirkətlərinin xidmətlərinin və onların göndərdikləri avadanlığın ümumi dəyəri 293 milyon dollar təşkil etmişdir.
Bölmənin digər xəbərləri
