Avropa Liqasında 1/8 finalın püşkü atılır
Bakı, 27 fevral, AZƏRTAC
Bu gün UEFA Avropa Liqasında 1/8 final mərhələsinin püşkatma mərasimi keçiriləcək.
AZƏRTAC xəbər verir ki, İsveçrənin Nyon şəhərində təşkil olunacaq tədbir Bakı vaxtı ilə saat 16:00-da start götürəcək.
Püşkatmada əsas mərhələni ilk “səkkizlik”də başa vuran kollektivlər - "Aston Villa" (İngiltərə), "Lion" (Fransa), "Portu", "Braqa" (hər ikisi Portuqaliya), "Roma" (İtaliya), "Midtyullann" (Danimarka), "Betis" (İspaniya), "Frayburq" (Almaniya) və pley-offun qalibi olmuş eyni sayda komanda - "Lill" (Fransa), "Genk" (Belçika), "Panatinaikos" (Yunanıstan), "Bolonya" (İtaliya), "Ferentsvaroş" (Macarıstan), "Nottinqem Forest" (Almaniya), "Ştutqart" (Almaniya) və "Selta" (İspaniya) iştirak edəcək.
Qeyd edək ki, 1/8 finalın ilk oyunları martın 12-də, cavab görüşləri isə bundan bir həftə sonra reallaşacaq.
Bölmənin digər xəbərləri
