Azərbaycan boksçusu: III MDB Oyunlarında birinci yerə layiq görüləcəyimə inanıram
Yevlax, 29 sentyabr, Tahir Ağaməmmədov, AZƏRTAC
Biz bu yarışa iki ay əvvəldən hazırlaşmışıq. Allaha şükür ki, əziyyətimin bəhrəsini bu gün gördüm. İlk çıxışda Belarusdan olan idmançıya qalib gəlib yarımfinala vəsiqə qazandım.
AZƏRTAC-ın bölgə müxbiri xəbər verir ki, bunu jurnalistlərə açıqlamasında III MDB Oyunlarının Yevlax Olimpiya Kompleksində təşkil olunan boks yarışında çıxış edən Aysel Fərəcova deyib.
“Yarışlarda 46 kiloqram çəki dərəcəsində iştirak edirəm. Birinci yeri tutacağıma inanıram. Azərbaycan idmançılarına III MDB oyunlarında uğurlar arzulayıram”, - deyə o bildirib.
Bölmənin digər xəbərləri
