Azərbaycan çempionatının bürünc medalçısı 6 voleybolçu ilə vidalaşıb
Bakı, 8 may, AZƏRTAC
Geridə qalan mövsümdə kişi voleybolçular arasında Azərbaycan Yüksək Liqasının bürünc medallarını qazanan “Xilasedici” altı oyunçu ilə yollarını ayırıb.
Bu barədə AZƏRTAC-a klubun meneceri Onat Kurt məlumat verib.
Onun sözlərinə görə, serbiyalı Aleksandr Tumbas, ukraynalı Boqdan Mazenko, rusiyalı Aleksander Popleteyev, İvan Volodin, eləcə də türkiyəli voleybolçular Onurcan Çakır və Sərhat Coşqun komandanı tərk ediblər. Voleybolçularla başa çatan müqavilə yenilənməyib.
Funksioner qeyd edib ki, kubalı Qustavo Almora və monqolustanlı Batsuuri Battur ilə sözləşmə müddətinin uzadılması barədə danışıqlar gedir.
Bölmənin digər xəbərləri
