Azərbaycan Çində açılacaq beynəlxalq turizm sərgisində təmsil olunacaqdır
Bakı, 3 iyun (AZƏRTAC). Azərbaycan iyunun 14-dən 17-dək Çinin Honkonq şəhərində keçiriləcək “İTE and MİCE-2012” Beynəlxalq turizm sərgisində təmsil olunacaqdır.
Mədəniyyət və Turizm Nazirliyindən AZƏRTAC-a bildirmişlər ki, beynəlxalq sərgidə ölkəmizin turizm potensialı icarəyə götürülmüş 27 kvadratmetrlik pavilyonda nümayiş etdiriləcəkdir. Azərbaycanın ikinci dəfə təmsil olunacağı sərgidə ölkəmizin görməli yerləri, mədəni-tarixi abidələri, mehmanxana və turizm obyektləri Çin və ingilis dillərində hazırlanmış 24 adda broşür, buklet və CD-lər vasitəsilə təbliğ olunacaqdır.
Sərgidə nazirliyin turizm şöbəsinin əməkdaşları, ölkəmizdə fəaliyyət göstərən bir neçə turizm şirkətinin nümayəndələri iştirak edəcəklər.
Bölmənin digər xəbərləri
