Azərbaycan Dubayda açılmış “ATM-2012” Beynəlxalq turizm sərgisində uğurla təmsil olunur
Bakı, 1 may (AZƏRTAC). Aprelin 30-da Birləşmiş Ərəb Əmirliklərinin Dubay şəhərində “ATM-2012” Beynəlxalq turizm sərgisi açılmışdır.
Dünyanın 117 ölkəsindən 1400-ə yaxın şirkətin iştirak etdiyi sərgidə Azərbaycan Mədəniyyət və Turizm Nazirliyinin turizm şöbəsinin müdiri Aydın İsmiyevin başçılığı ilə nümayəndə heyəti ilə təmsil olunur. Bu, Azərbaycanın 2012-ci ildə iştirak etdiyi sayca on dördüncü beynəlxalq turizm sərgisidir.
Mədəniyyət və Turizm Nazirliyindən AZƏRTAC-a bildirmişlər ki, mayın 3-dək davam edəcək sərgidə ölkəmiz xüsusi qurulmuş stendlə təmsil olunur. Nazirliyin stendində, həmçinin ölkəmizin 8 yerli turizm şirkətinin və 2 mehmanxananın turizm imkanları da nümayiş etdirilir.
Azərbaycan 2004-cü ildən etibarən hər il regionun ən böyük sərgisi olan “ATM” Beynəlxalq turizm sərgisində iştirak edir.
Bölmənin digər xəbərləri
