Azərbaycan idmançıları Türküstanda boks üzrə beynəlxalq turnirdə iştirak edirlər
Astana, 2 aprel, AZƏRTAC
Qazaxıstanın Türküstan şəhərində 2007 və 2008-ci il təvəllüdlü gənclər arasında Sidney Olimpiadasının qalibi, məşhur türküstanlı idmançı Bekzat Səttarxanovun xatirəsinə həsr olunmuş boks üzrə XXIII beynəlxalq turnir keçirilir.
AZƏRTAC Türküstan əyalətinin icra hakimiyyətinin mətbuat xidmətinə istinadla xəbər verir ki, yarışda Qazaxıstanın bütün regionlarından, həmçinin Azərbaycan, Rusiya, Özbəkistan, Qırğızıstan, Monqolustan, Tacikistan, Çin, Misir, Səudiyyə Ərəbistanı və Kuveytdən olan idmançılar iştirak edirlər.
Türküstan əyalətinin icra hakimiyyəti və Fiziki Tərbiyə və İdman idarəsinin təşkilatçılığı ilə keçirilən turnirdə ümumilikdə 300 boksçudan ibarət 30 komanda iştirak edir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
