Azərbaycan idmançılarının yanvar üçün reytinq cədvəli
Bakı, 30 dekabr, AZƏRTAC
Gənclər və İdman Nazirliyi Olimpiya növləri üzrə milli komandaların idmançılarının 2023-cü il yanvarın 1-nə olan reytinq cədvəlini açıqlayıb.
AZƏRTAC nazirliyin rəsmi saytına istinadən xəbər verir ki, bədii gimnastika üzrə qrup hərəkətləri komandası 685 xalla siyahıda liderliyini davam etdirir.
Bədii gimnast Zöhrə Ağamirova 640 xalla ikinci, idman gimnastı İvan Tixonov isə 390 xalla üçüncü pillədə yer alıb.
Qeyd edək ki, reytinq xallarının hesablanması Gənclər və İdman Nazirliyinin müəyyənləşdirdiyi qaydalara uyğun aparılır.
Növlər üzrə beynəlxalq yarışlar öz reytinqinə əsasən 5 kateqoriyaya bölünür və həmin yarışlarda tutulan yerlərə uyğun xallar hesablanır.
Bölmənin digər xəbərləri
