Azərbaycan ilə İtaliya arasında hərbi-texniki sahələrdə əməkdaşlıq, həmçinin birgə layihələr müzakirə edilib
Bakı, 20 iyun, AZƏRTAC
Azərbaycanın müdafiə nazirinin müavini - Baş direktor Aqil Qurbanov İtaliya Respublikasına səfər edib.
Müdafiə Nazirliyinin mətbuat xidmətindən AZƏRTAC-a verilən məlumata görə, səfər çərçivəsində A.Qurbanov İtaliyanın müdafiə naziri Quido Krosetto ilə görüşüb.
Azərbaycan və İtaliya arasında münasibətlərin strateji tərəfdaşlığa əsaslandığı qeyd olunan görüşdə hərbi, hərbi-texniki sahələrdə əməkdaşlığın cari vəziyyəti və inkişaf perspektivləri müzakirə edilib.
Görüşdə, həmçinin birgə layihələr, eləcə də bir sıra digər məsələlərə dair ətraflı fikir mübadiləsi aparılıb.
Bölmənin digər xəbərləri
