Azərbaycan millisi Türkiyə ilə heç-heçə edib
Bakı, 31 oktyabr, AZƏRTAC
Qəbələdə təlim-məşq toplanışında olan 15 yaşadək futbolçulardan ibarət Azərbaycan milli komandası növbəti yoxlama görüşünü keçirib.
AFFA-dan AZƏRTAC-a verilən məlumata görə, yığma Türkiyənin müvafiq yaş qrupundan ibarət komandası ilə ikinci dəfə qarşılaşıb. Oyun 2:2 hesablı bərabərliklə yekunlaşıb. Millimizin heyətində qolları 54-cü dəqiqədə Uğur Qurbanlı və 77-ci dəqiqədə penaltidən Əli Bəşirov vurublar.
Qeyd edək ki, komandalar arasında oktyabrın 28-də keçirilən ilk yoxlama görüşündə Türkiyə yığması 2:0 hesablı qələbə qazanmışdı.
Bölmənin digər xəbərləri
