Azərbaycan millisinin qapıçısı ən çox qurtarış edən qolkiperlər sırasında yer alıb
Bakı, 12 noyabr, AZƏRTAC
Futbol üzrə dünya çempionatının Avropa zonası üzrə seçmə mərhələsində doqquzuncu turun ilk oyunlarından sonra statistik göstəricilər açıqlanıb.
AZƏRTAC xəbər verir ki, Azərbaycan yığmasının üzvü Şahruddin Məhəmmədəliyev tsikldə ən çox qol buraxan qapıçılardandır. İyirmi yeddi yaşlı oyunçu 8 görüşdə 18 dəfə məyus olub.
San-Marinonun qapıçısı Elia Benedettini qapısında 32, Lixtenşteyndən Benyamin Büxel 28, Maltadan Genri Bonello isə 24 qol görüb.
Bundan əlavə, Ş.Məhəmmədəliyev seçmə mərhələdə ən çox qurtarış edən qapıçılar siyahısında E.Benedettini ilə birlikdə 2-3-cü yerləri bölüşdürür. Hər iki oyunçu 44 dəfə komandalarını qoldan xilas edib. Siyahıya isə 57 "seyv"lə B.Büxel başçılıq edir.
Qeyd edək ki, Azərbaycan millisi son olaraq Bakıda Lüksemburqa 1:3 hesabı ilə uduzub.
Bölmənin digər xəbərləri
