Azərbaycan Pakistanda informasiya texnologiyaları sərgisində iştirak edir
Bakı, 31 avqust, AZƏRTAC
Azərbaycan avqustun 31-dən sentyabrın 2-dək davam edəcək Pakistanın Karaçi şəhərində keçirilən 23-cü “ITCN Asia” informasiya texnologiyaları (İT) sərgisində iştirak edir.
AZƏRTAC xəbər verir ki, İT sərgisinə Azərbaycanla yanaşı Çin, Sinqapur, BƏƏ, Səudiyyə Ərəbistanı və ABŞ da daxil olmaqla, 8 ölkədən 100 xarici nümayəndə, ümumilikdə isə 450-dən çox təşkilat qatılıb.
Sərgi Karaçi Ekspo Mərkəzində təşkil edilib. Tədbirin əsas tərəfdaşları “Google”, “P@SHA” və “UNIFONIC” şirkətləridir. Tədbirin açılış mərasimində Pakistanın Elm və Texnologiya və İnformasiya Texnologiyaları və Telekommunikasiya üzrə federal naziri Umair Saif çıxış edəcək. İlk dəfə bu tədbir çərçivəsində mobil telefon şirkətləri “Made-in-Pakistan” mobil cihazlarını təbliğ edən ayrıca Telekom Pavilyonunda nümayiş olunacaq. Sərgidə Special Communications Organization, InoTech Solutions, Systems Limited, Abacus Consulting, Transworld, UNIFONIC, S.I Global Solutions şirkətlərlə yanaşı, digər qlobal brendlərin nümayiş olunduğu 400-dən çox stend quraşdırılıb.
CIO Qlobal Forumu Pakistanda eksklüziv tədbirini də təşkil edəcək. Kibertəhlükəsizlik, Elektron ticarət, Fintech, Agile, Digital Education, Gaming və s. mövzularda müxtəlif konfranslar keçiriləcək.
Üç gün ərzində davam edəcək tədbirə 35000-dən çox ziyarətçinin qatılacağı gözlənilir.
Bölmənin digər xəbərləri
