Azərbaycan qazax güləşi üzrə dünya çempionatında 16 idmançı ilə təmsil olunacaq

11.08.2026 [15:57]
Çap et
A⁺ A^-

Bakı, 11 avqust, AZƏRTAC

Azərbaycanı Bakıda keçiriləcək qazax güləşi üzrə dünya çempionatında təmsil edəcək idmançılar bəlli olub.

AZƏRTAC-ın əldə etdiyi məlumata görə, Azərbaycan yarışda 8 qız və 8 oğlan olmaqla, ümumilikdə 16 güləşçi ilə təmsil olunacaq.

Kişilərin mübarizəsində Elşən Dünyamalıyev (55 kiloqram), Eyvaz Baxşıyev (60 kiloqram), Mirfəttah Seyidəliyev (65 kiloqram), Elvin Bağırov ( 74 kiloqram), Adil Adilzadə (90 kiloqram), Tuncay Şamil (100 kiloqram) və Məmməd Məmmədzadə ( +100 kiloqram), qadınlar arasında isə Mələkxanım Məmmədova (48 kiloqram), Aynur Əfəndiyeva ( 52 kiloqram), Fidan Hüseynova (56 kiloqram), Leyla Atayeva (60 kiloqram), Məryəm Mehdiyeva (65 kiloqram), Günel Həsənli (70 kiloqram), Diana Şoranova (77 kiloqram) və Nigar Süleymanova (+77 kiloqram) çıxış edəcəklər.

Dünya çempionatına 24 ölkədən ümumilikdə 200-ə yaxın idmançı qatılacaq.

Qeyd edək ki, yarış avqustun 22-23-də Bakı İdman Sarayında təşkil olunacaq.

_{Müxbir – Cavid Əliyev}