AZƏRBAYCAN RESPUBLİKASININ PREZİDENTİ
ZATİ-ALİLƏRİ CƏNAB İLHAM ƏLİYEVƏ
Möhtərəm cənab Prezident,
Sizi ad gününüz münasibətilə bütün həmvətənlərimin adından və şəxsən öz adımdan ürəkdən təbrik edir, Sizə uzun ömür, cansağlığı və uğurlar arzulayıram.
Sizin simanızda biz həmişə Polşa ilə səmimi dostluq münasibətlərinin tərəfdaşını görmüşük. Dövlətlərimizi və ölkələrimizin ictimaiyyətlərini birləşdirən əlaqələrin daha da möhkəmlənməsinə yönəldilmiş fəaliyyətiniz bizim üçün olduqca önəmlidir.
Polşa Respublikasının hökumət orqanları Sizin ölkənizdə həyata keçirilən islahatları dəstəkləyir. Biz Azərbaycanın Avropa və Avratlantik strukturlarına inteqrasiyasının tərəfdarıyıq. Biz həmçinin Polşa ilə Azərbaycan arasında energetika sahəsində əməkdaşlığı yüksək qiymətləndiririk.
Cənab Prezident, Sizə bir daha səmimi təbriklərimi çatdırır, hörmət və ehtiramımı ifadə edirəm.
Hörmətlə,
Lex Kaçinski
Polşa Respublikasının Prezidenti
Varşava, 24 dekabr 2008-ci il.
Bölmənin digər xəbərləri
