Türkiyə Müdafiə Nazirliyi: Səudiyyə Ərəbistanına dəstək addımları ölkə Konstitusiyasının tələblərinə cavab verməlidir
Ankara, 15 oktyabr, AZƏRTAC
Səudiyyə Ərəbistanına hərbi dəstək verilməsi prosesi Konstitusiyaya və Türkiyənin digər qaydalarına uyğun olaraq həyata keçiriləcək.
AZƏRTAC xəbər verir ki, bu barədə Türkiyə Milli Müdafiə Nazirliyi Məkkə Müdafiə Sazişinin tələblərinin həyata keçirilməsi ilə bağlı addımları şərh edərkən bildirib.
Nazirlik vurğulayıb ki, Türkiyə parlamenti Səudiyyə Ərəbistanı və Pakistanla müdafiə sazişinin mətnini qəbul etsə, qoşunların xaricdə yerləşdirilməsi qərarı da təsdiqlənməlidir.
Nazirlik əlavə edib ki, dəstəyin həcmi müvafiq orqanların qiymətləndirmələri, Səudiyyə Ərəbistanının ehtiyacları və xahişləri, eləcə də yerdəki vəziyyətin təhlili və əməliyyat tələbləri nəzərə alınmaqla müəyyən ediləcək.
Türkiyə Milli Müdafiə Nazirliyi, həmçinin Ankaranın ABŞ-dən vəsait köçürdüyü altı ədəd F-35 beşinci nəsil qırıcı təyyarəsinin çatdırılması ilə bağlı da şərh verib.
“Bu məsələ ilə bağlı Amerika hakimiyyəti ilə danışıqlar davam edir. Biz Vaşinqtondan müttəfiqlik və qarşılıqlı fayda ruhuna uyğun müsbət addımlar gözləyirik. Bu, həmçinin CAATSA sanksiyaları fonunda Türkiyənin müdafiə sənayesinə tətbiq edilən bütün birbaşa və dolayı məhdudiyyətlərin aradan qaldırılmasına da aiddir”, -deyə nazirlik vurğulayıb.
Nazirlik, həmçinin Böyük Britaniyadan Türkiyə Hərbi Hava Qüvvələrinə 12 ədəd C-130J hərbi nəqliyyat təyyarəsinin tədarük ediləcəyini açıqlayıb.
Bölmənin digər xəbərləri
