AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Prezident Heydər Əliyevin vəfatı xəbərini dərin hüznlə öyrəndim. “YUNOKAL” korporasiyasının adından Sizin ailənizə və Azərbaycan Respublikasının bütün xalqına səmimi başsağlığı verirəm.
Prezident Heydər Əliyev müstəqil Azərbaycanın inkişaf etdirilməsində öz həmvətənlərinə böyük töhfə verdiyinə görə yadda qalacaqdır. On ildən çox müddət ərzində onun rəhbərliyi daha da güclü ölkənin və daha da sabit regionun qurulmasına kömək etmiş və Azərbaycanın dünya ölkələri arasında layiqli yer tutmasında həlledici rol oynamışdır. Onun nailiyyətləri arasında ən əhəmiyyətlisi ölkənin inkişafının və müasirləşdirilməsinin stimullaşdırılması məqsədi ilə xarici sərmayələrin cəlb olunması, xüsusilə ölkənin neft sektoruna cəlb edilməsi üçün atdığı böyük addımlardır. Bu davamlı irsdən gələcək nəsillər də faydalanacaqdır.
Prezident Heydər Əliyevə həyatına görə və “YUNOKAL” korporasiyasının bir çox rəhbər işçilərinə bəslədiyi səmimi dostluq hisslərinə və onlara göstərdiyi lütfkarlığa görə minnətdarıq. Onun vəfatı bizi kədərləndirir, Sizin və xalqınızın dərdinə şərik oluruq.
Ən xoş arzularla,
Çarlz R.Uiliamson,
Amerikanın “YUNOKAL” korporasiyasının
sədri və baş icraçı direktoru.
15 dekabr 2003-cü il.
Bölmənin digər xəbərləri
