AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Atanız Prezident Heydər Əliyevin vəfatı ilə əlaqədar böyük kədər hissi keçirdim.
Mərhum Heydər Əliyevin bacarıqlı və geniş üfüqlü rəhbərliyi sayəsində indi Azərbaycan xarici siyasətdə sabitlik amili olaraq çıxış edən, iqtisadi inkişafını sürətlə davam etdirən, beynəlxalq birlikdəki nüfuzlu mövqeyini getdikcə möhkəmlətməkdə olan ölkəyə çevrilmişdir. Ölkənizdəki ictimai rifah və əmin-amanlığın memarı olan hörmətli Heydər Əliyevi itirməyimiz “Bir millət, iki dövlət” prinsipinə inanan Türkiyə cəmiyyəti üçün də dərin kədər olmuşdur.
Ölkələrimiz arasında mövcud olan qarşılıqlı sevgi, hörmət və qardaşlığa söykənən münasibətlərimiz, əsasən, mərhum Heydər Əliyevin əsəri kimi xatırlanacaqdır.
Mərhuma Allahdan rəhmət diləyir, Zati-alinizə, ailə üzvlərinizə və Azərbaycan xalqına səmimi qəlbdən başsağlığı verirəm.
Əbdülqədir Aksu
Türkiyə Respublikasının
daxili işlər naziri
Bölmənin digər xəbərləri
