AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ

27.12.2003 [19:31]
Çap et
A⁺ A^-

Dost və qardaş Azərbaycanın böyük öndəri, müstəqillik və demokratiya abidəsi Prezident Heydər Əliyevin vəfatı ilə əlaqədar böyük kədər içindəyik. Bir türk iş adamı kimi səkkiz il əvvəl Azərbaycana gəldiyim ilk gündən etibarən işlərimə daim dəstək verən, yolumu açan və məni cəsarətləndirən, Azərbaycan aşiqi olan bu böyük öndərin xatirəsi önündə hörmətlə baş əyirəm.

Mərhum Prezidentə Allahdan rəhmət diləyir, Zati–alinizin və bütün Azərbaycan xalqının dərin kədərini ən səmimi hisslərlə bölüşürəm.

Yeganə təsəllim Azərbaycanın gələcəyinə olan inamımdır.

Prezident Heydər Əliyevin göstərdiyi yolda və Zati-alinizin liderliyi ilə Azərbaycanın demokratiya və müstəqillik yolunda heç vaxt büdrəmədən qətiyyətlə addımlamağa davam edəcəyinə, qardaş Azərbaycan xalqının milli inkişaf yolunda birlik və bərabərlik şəraitində işləyərək mütləq uğur qazanacağına tam inanıram.

Hörmətlə,

Hüseyn Bayraqdar “Bayraqdar Holdinqin” İdarə

heyətinin fəxri sədri

22 dekabr 2003-cü il