AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Prezident Heydər Əliyevin vaxtsız vəfatı barədə kədərli xəbər bizə çatdı.
İcazə verin, bu əvəzsiz itki ilə əlaqədar Sizə ən səmimi başsağlığımızı bildirim.
Heydər Əliyev kimi dahi siyasətçi həyatdan gedəndə, adətən, deyirlər ki, bütöv bir epoxa da onunla getdi. Bu sözləri Heydər Əliyev şəxsiyyətinə şamil etsək, cəsarətlə üç, hətta dörd epoxadan danışmaq olar. Onun səksən yaşı vardı, lakin buna baxmayaraq o, bütün Cənubi Qafqazda ən əsas şəxsiyyət idi və bizim yaddaşımızda belə də qalacaqdır. Onun şəxsi töhfəsinin nəticəsidir ki, Azərbaycanı bu gün cəsarətlə müstəqil ölkə adlandırmaq olar.
Məhz Heydər Əliyevin sayəsində Rusiya ilə Azərbaycan arasında qarşılıqlı surətdə faydalı dostluq münasibətləri yaranmışdır. Heç şübhə yoxdur ki, MDB-nin möhkəmlənməsi də onun müdrikliyi və yorulmaz əməyi sayəsində mümkün olmuşdur. O, həyatının son günlərinədək Azərbaycanda sülhün və əmin-amanlığın bərqərar olunması üçün əlindən gələni etmişdir. O, Dağlıq Qarabağ münaqişəsinin danışıqlar yolu ilə nizama salınması üçün də çox iş görmüşdür. Heydər Əliyev Əfqanıstan və İraq kimi narahat ölkələrdə terrorizmlə mübarizəyə də böyük töhfə vermişdir.
Heydər Əliyev müdrik, hər şeyi ölçüb-biçən siyasətçi, mehriban, ədalətli və qayğıkeş bir insan idi, onun rəhbərliyi altında yüzlərlə iş görülmüş və yüzlərlə problem həll olunmuşdur. O, öz xalqının və respublikasının fəxri idi.
Heydər adı “öndə gedən” kimi tərcümə olunur. Biz ümid edirik ki, onun bütün işləri və təşəbbüsləri xalq tərəfindən layiqincə davam etdiriləcək, gələcək nəsillər isə onu hörmətlə xatırlayacaqlar.
Biz Azərbaycan xalqı və ucsuz-bucaqsız ölkəmizin bütün sakinləri ilə birlikdə kədərlənirik.
Dərin hörmətlə,
D.Ç.Şamoyan
Kürd Xalq Konqresi İcraiyyə komitəsinin
üzvü, Tambov vilayət Dumasının deputatı
Tambov, 16 dekabr 2003-cü il.
Bölmənin digər xəbərləri
