AZƏRBAYCAN SƏFİRİNİ SƏUDİYYƏ ƏRƏBİSTANININ KRALI QƏBUL ETMİŞDİR

27.10.2004 [17:04]
Çap et
A⁺ A^-

Azərbaycan Respublikasının Səudiyyə Ərəbistanı Krallığındakı səfirliyindən AZƏRTAC-a bildirmişlər ki, kral Fəhd bin Əbdüləziz Al Səud səfir Elman Araslını qəbul etmişdir. Azərbaycan səfiri Ər-Riyadda akkreditə olunmuş Asiya ölkələri səfirləri qrupunun sədri qismində kral Fəhdi ölkəmizin və Asiyanın digər diplomatik nümayəndələri adından mübarək Ramazan ayı münasibətilə təbrik etmişdir.

Azərbaycan səfirini, həmçinin Səudiyyə Ərəbistanın vəliəhdi, baş nazirin birinci müavini, Milli Qvardiyanın rəisi Əmir Abdulla bin Əbdüləziz Al Səud və baş nazirin ikinci müavini, müdafiə və aviasiya naziri, baş müfəttiş Sultan bin Əbdüləziz Al Səud və Ər-Riyad məntəqəsinin valisi Əmir Səlman bin Əbdüləziz Al Səud qəbul etmişlər. Səmimi şəraitdə keçən görüşdə səfir E.Araslı Səudiyyə Ərəbistanının rəhbərlərini Ramazan ayı ilə əlaqədar təbrik etmiş, bu münasibətlə onlara Asiya ölkələri səfirlikləri başçılarının xoş arzularını çatdırmışdır.

AZƏRBAYCAN SƏFİRİNİ SƏUDİYYƏ ƏRƏBİSTANININ KRALI QƏBUL ETMİŞDİR

MÜƏLLİFLƏ ƏLAQƏ

Bölmənin digər xəbərləri