Azərbaycan-Türkiyə birliyi hər iki dövlətin qlobal müstəvidə söz sahibi olmasını şərtləndirir
Bakı, 11 aprel, AZƏRTAC
Türkiyə-Azərbaycan qardaşlığının uzun dövr davam edən tarixi kökləri var. Bizim eyni dilə, dinə və mədəniyyətə mənsub olmağımız bu qardaşlığın əsas səbəbidir. Azərbaycan xalqına qarşı soyqırımı törədilən vaxt yardıma gələn və xalqımızın soyqırımından xilas olunmasında canından keçən türk qardaşlarımızın xatirəsi də hər zaman qəlbimizdədir. Xalqımız bu xilaskar köməyi öz qəlbində minnətdarlıqla yaşatmaqdadır. Həmçinin Türkiyə üçün mürəkkəb və çətin məqamlarda ilk kömək əli uzadan da Azərbaycan olub.
Bu fikirləri AZƏRTAC-a açıqlamasında hüquq müdafiəçisi Sahib Məmmədov söyləyib.
Onun sözlərinə görə, Türkiyə ilə Azərbaycan arasında həmişə yaxınlıq olub, amma heç zaman bu qədər davamlı, bu qədər strateji yaxınlıq olmayıb: “Prezident Rəcəb Tayyib Ərdoğanın rəhbərliyi dövründə Türkiyə yeni bir müstəviyə və səviyyəyə daxil olub. Həmçinin Prezident İlham Əliyev də hakimiyyətə gəldiyi dövrdən bu günə qədər Azərbaycan-Türkiyə münasibətlərinin daha da yüksəlməsinə təşəbbüs göstərib. İki lider sayəsində iki ölkənin münasibətləri elə bir səviyyəyə çatıb ki, bu, hətta müttəfiqlik münasibətlərindən daha sıxdır. Bu qardaşlıq xalqlarımız üçün əsas yoldur”.
O bildirib ki, Vətən müharibəsində Türkiyənin Azərbaycana həm diplomatik cəbhədə, həm də mənəvi dəstəyi Qələbəmizin təmin olunmasında müstəsna əhəmiyyət kəsb edib. Prezident Rəcəb Tayyib Ərdoğan dönəmində Türkiyə beynəlxalq və regional problemlərin həllində əsas söz sahibinə çevrilib. Türkiyə heç zaman belə müstəqil siyasət həyata keçirə bilməmişdi. Məhz Rəcəb Tayyib Ərdoğanın Prezidentliyi dövründə Türkiyə qlobal aktora çevrildi. Azərbaycan-Türkiyə birliyi isə hər iki dövlətin qlobal müstəvidə söz sahibi olmasını şərtləndirir.
Bölmənin digər xəbərləri
