Azərbaycan və Rusiya arasında təcrübə mübadiləsinin yeni prioritetləri müzakirə olunub
Bakı, 18 iyul, AZƏRTAC
Azərbaycan Sığortaçılar Assosiasiyası (ASA), İcbari Sığorta Bürosu və bir qrup sığorta şirkətinin təmsilçilərindən ibarət nümayəndə heyəti Rusiya Federasiyasının paytaxtı Moskva şəhərində işgüzar səfərdədir.
ASA-dan AZƏRTAC-a bildirilib ki, səfər çərçivəsində Azərbaycan sığortaçıları ilə Ümumrusiya Sığortaçılar Birliyi və Rusiya Avtomobil Sığortaçıları Birliyinin rəhbərliklərindən ibarət nümayəndə heyəti arasında görüş keçirilib. Görüşdə yerli sığortaçılar sığortada vahid tənzimləmə və vahid qiymətləndirmə ilə bağlı Rusiya təcrübəsi ilə yaxından tanış olublar və bu təcrübənin yerli bazara uyğunlaşdırma imkanlarını araşdırıblar. Tərəflər, həmçinin iki ölkə arasında təcrübə mübadiləsinin yeni prioritetlərini müzakirə ediblər.
Qeyd edək ki, yerli sığortaçıların Rusiyaya işgüzar səfəri iyulun 20-dək davam edəcək.
Müvafiq səfər Azərbaycan Sığortaçılar Assosiasiyası ilə Ümumrusiya Sığortaçılar Birliyi arasında 2021-ci ildə imzalanmış qarşılıqlı əməkdaşlığa dair memorandum çərçivəsində təşkil olunub.
Bölmənin digər xəbərləri
