Azərbaycan voleybolçuları Çin çempionatında bürünc medal qazanıblar
Bakı, 9 yanvar, AZƏRTAC
Qadın voleybolçulardan ibarət Azərbaycan millisinin üzvləri Odina Əliyeva və Mariya Kirilyuk Çin çempionatında bürünc medal qazanıblar.
Azərbaycan Voleybol Federasiyasından AZƏRTAC-a bildiriblər ki, idmançıların formasını geyindiyi “Şenzen Jonqsay” Çin Liqasında üçüncü yeri tutub.
Komanda üçüncülük uğrunda görüşdə “Fujian”la qarşılaşıb. İkioyunluq mübarizədə 3:2 və 3:1 hesabı ilə qalib gələn “Şenzen Jonqsay” klubu yarışın bürünc medalına sahib çıxıb.
Bölmənin digər xəbərləri
